Tag Archives: 乳頭溫泉鄉

4月27日 晴 住宿：東橫INN  今朝七點三起身浸温泉，八點半早餐。早餐都係好好味，小鍋煙肉蛋。出奇係納豆竟然唔難食wor! 俾左¥1500買温泉pass，一於浸浸浸！個pass係一年內通用，又可以免費搭shuttle bus去各大溫泉，好抵。最重要係去到每一個溫泉都可以做我最鐘意既吸印大行動丫嘛！ 十一點幾，我地就搭酒店車去鶴之湯，泉水乳白色，浸左白湯、混湯、黑湯。哈哈！第一次浸男女湯 ^^ 一點喺嗰度食埋山芋鍋。 跟住坐shuttle bus去蟹場温泉，最後去埋大釜温泉。WELL DONE！ 所有溫泉都好得，浸到d皮膚滑晒！

4月26日 晴 住宿：妙乃湯 今日成11點先出門口，目的地係田沢湖。第一次搭秋田新幹線，第一次揹我個新backpack呀！  一出站就見到巴士站，喺一號車站搭車去田沢湖畔。果度有幾間行土產店，又同埋比內雞同秋田犬say hello。喺一間豪不起眼嘅小店食稻庭烏冬同買左d串燒做午餐，好好味！ 黎到田沢湖，冇理由唔去遊湖架！以前去旅行我都好少遊湖，不過自從上次去瑞士遊過湖呢，就一試愛上喇！我地選擇搭船去瀉尻，慢慢hea夠先搭巴士返田沢湖畔。 夜晚就入住妙乃湯，向今次東北之旅嘅第一晚tatami say HI喇！