Tag Archives: 八食市場

日本東北新春行大運之旅 (十一) 第11天‧2月20日 八戸 –仙台 「八食市場」我回來了！再次在七厘村內享用sashimi和炭燒海鮮，很回味很回味！海鮮燒物伴白桃sake，感覺比上次更幸福，更滿足！ 當然，還沒有忘記must-have的綠茶、胡麻和蘋果雪糕 =] 今次在八戸的行程真的非常完滿 (當然，若不是冬天雪季的話，我仍很希望親親種差海岸和蕪島)，所以我們決定提早於今天傍晚返回仙台市，明天全日shopping。

5月3日 晴 住宿：新宿 今日係東北之旅最後一日喇，本來諗住去角館賞櫻，不過上網check過d花仲未開，而且弘前櫻花一行已經係呢個旅程最完滿喇，所以我地決定再去多次八食市場食食食，買買買。 我今日就咁著件短袖tee就算喇！今朝起身化左個靚妝，早餐都唔食就起行喇！ 汲取左尋日嘅教訓，我地今日一去到即刻去排隊霸爐，攞左籌再去買海鮮。因為尋日已經行過個場，所以我地都已經鎖定目標，好快就買好晒海鮮啦！ 今日我先知有好多日本達人架！ 事件一：今朝排隊等巴士果陣，我地講講下野，排我地前面果個女人突然搭訕，講下講下先發現原來佢每年春天同秋天都會去日本，今次去成21日。佢話喺男鹿見過我地，哈哈哈… 佢喺男鹿stayed左三日架喇！ 事件二：去到七厘村，見到一對夫婦，又係退左休果d啦，佢地話喺七厘村鼠紅之前已經黎過好多次！好鬼勁，仲將燒鮑魚秘技﹝經驗﹞話俾我地知。佢地帶晒錫紙咁去燒蕃薯，佢老公話：「係呀，我次次黎都係為左食蕃薯。」^_^ 佢地個旅程係一個月！嘩嘩嘩嘩嘩，好羨慕呀！ 好喇好喇，今日真係好豐富呀！去相 >>>

5月2日 晴 住宿：八戶Comfort Hotel 尋晚好好瞓丫，間房好舒服喎！仲有墊腳側睡用嘅pillow provide，讚！ 早餐多啲選擇，咖啡都好味！ 出發啦！喺4號巴士站搭100yen巴士去八食市場。嘩！真係好興奮呀！激多海鮮！十點幾買好嘢諗住去七厘村bbq，點知好多人輪，估計要輪兩個鐘。下？我地要去弘前喎！唯有聽日先嚟bbq啦！今日sashimi先啦！好彩店主好好，肯俾我地退返啲bbq食材，真係好唔好意思，我聽日一定會返嚟幫襯返你呀！有兩隻大蝦喺第二檔買，都唔好意思去退貨，點知喺七厘村咁啱見到有幾個香港人bbq緊，就勇敢啲問人可唔可以借我燒兩隻大蝦啦。好好人呀你地！(按: 原來係記者朋友，哈哈哈…) 今日星期日，又係日本GW，又好天，弘前又係賞櫻名所，當然係非常熱鬧啦！弘前站人頭湧湧，一出車站仲見到有臨時100yen加班車去弘前公園添。 公園就唔去喇，我地目標係去弘前城。因為我覺得喺天守閣賞櫻又係另一番景致。真係無令人失望，呢度好靚呀！唔知會唔會係賞櫻百大名所之冠呢? 而且仲有好多我地未見過嘅品種。 行左一個下晝，行到日落，臨走時喺入口附近買左青森蘋果sorbet，成個賞櫻行程都完滿結束喇！ 真係好靚好靚，唔講咁多，去相！ >>> 聽晚就要落東京喇，好唔捨得呢度呀！ 返到八戶，去綠色窗口訂定聽晚去東京嘅車飛，點知超full。要訂最尾果班車，仲要係打散坐，好誇張呀！