Tag Archives: 古牧溫泉

日本東北新春行大運之旅 (九) 第9天‧2月18日  藏王 – 八戸 – 三沢 (古牧溫泉) 返回山形，我們不忘在站內商場的Fancl店買了Cleansing Oil的special edition。今天剛剛發售！取回行李，便乘左東北新幹線往八戶出發，今晚的目的地是我們十分懷念的古牧溫泉，今次我們將在那裏渡宿一晚。 到達八戶，有一種說不出的親切感。去年賞櫻之旅時，在這裏留下很多很多難忘的回憶啊！ 火車從八戶出發，到達三沢，登上了古牧溫泉青森屋的shuttle bus，心裏嚷著「古牧溫泉青森屋，我返黎喇！」很懷念這裏的溫泉，浴場內的木彌漫著淡淡幽香的蘋果味，泉水又滑，還有很好用的Pola洗頭沐浴系列！我返黎喇！

5月1日 晴 宿：八戶Comfort Hotel 經盛岡去八戶。因為旅遊書介紹八戶嘅嘢唔多，我地先去車站嘅旅客中心攞左啲資料，再去酒店放低行李。酒店門口唔知乜得咁大風，吹到個喼亂咁行，連個人都企唔穩！唔係喺馬路邊咁狼狽，我實要影低呀！喺車站附近食左個十和田網燒牛肉飯，有十個好味，有相為證！ 本來諗住去種差海岸嗰啲睇下風景，點知海岸線因強風停駛，咁就近近地搭去三沢站嘅古牧温泉啦！ 三沢站好得意，有好多飛機呢！ 出左站轉左沿火車軌行，好快就到古牧温泉喇！我地嘅目標係“浮湯”。呢度好舒服，好多嘢買。嘻嘻，我喺車站攞嘅coupon，温泉入場費勁減，好抵丫！ 浴場全部都用POLA，超正！而浴場嘅木都散發住清幽嘅蘋果味！好舒服，舒服到想瞓！加上泉水非常滑，露天温泉仲好特別俾園林景包圍，一浸已經好鐘意！ 浸完喺小商店買左啲零食，又一試奧入瀨嘅牛奶，奶味濃得嚟好清甜，質感好薄好滑，滿分！ 玩完四圍行下，諗住去本八戶站嘅屋台村地道feel，點知已經無車喇。唯有返八戶。返到去附近乜食肆都收晒，拿拿聲去車站一間餐廳食嘢，好味。 聽朝就係向期待已久嘅八食市場出發喇！