Tag Archives: 士多啤梨

4月25日 晴 住：東橫INN 今日天氣非常好！朝早食左個簡單嘅早餐，搭10:24am常磐線列車，出發去山下站，準備摘士多啤梨放題喇！ 喺山下站落車，行左十五分鐘左右就到步喇！藍天白雲加清風，真係好適合郊遊呀！¥1500半小時任食 (我食左more than 80粒！)。好好味呀！¥250買左支練奶係咁點。我覺得細粒長形(好似係章姫品種)最好味。 之後我又用左¥250食左我第一杯士多啤梨雪糕。 1:45pm，由山下出發往大河源去白石川堤。中途經過船岡，入站嗰時已經沿川堤兩旁都係滿開嘅櫻花，架火車仲駛得慢啲，睇得好開心呀！ 5:20pm搭車返仙台。去到仙台一支箭咁去左Bape Store，終於買左件猿人tee。再戰步去埋Montbell，竟然都有收穫。跟著勁跑返酒店，但都missed左7:38pm班秋田新幹線，哈哈！搞到成十一點先去到秋田。