Tag Archives: 釧路

步出站外，經過小教堂，遠處已經可以見到「和商市場」招牌架喇！ 食到3點幾，我地突然醒覺要趕火車去川湯溫泉，即刻全速9秒9飛奔返車站攞行李。點知小羊同小芬話留低執好檯先，會盡快去車站會合我地。點知，小羊行錯路！最後我係睇住班車離我而去！又要等差唔多兩個鐘lor！坐左陣，我地決定折返去市場shop一shop。我地買左青森蘋果、桃汁、雪糕等。 7:07pm先去到川湯溫泉。川湯溫泉個站好細，站外漆黑一片，咩都睇唔到，好荒涼咁。我唯有打電話去酒店叫佢地幫手call的士接我地。點知，連我用d超簡單既英文單字同少少日文都溝通唔到，我只係聽到佢叫我打一個電話。我估佢係叫我自己call的士，於是我就照打啦。都係唔係好溝通到，我用日文不停講個車站名，哈哈！好彩佢好快識黎車我地。食完飯，我地行左十分鐘左右去睇Diamond Dust in Kawayu。好靚呀！不過用video同相機都唔係好影到，只係記住喺心啦！  Diamond Dust Party (冰霰舞會) 每年冬天都會係川湯溫泉舉行。會場內熱溫泉水發出蒸氣，蒸氣喺半空遇冷，形成水點；主辦單位就放左兩盞大射燈，同埋借助兩個氣球喺半空的擺動，令小水點好似星塵一樣，喺黑夜中翩翩起舞，真係好靚好靚！  呢晚呢度得返零下10.5度！

為左有充足睡眠，我地決定訓晏d先泡溫泉食早餐，之後就搭的士往帶廣站。 喺日本坐的士都唔平，不過有得四個人share，我都覺得不失為一個快捷舒適嘅方法。而且，日本的士meter非常準確，今日搭返去車站嘅車資同我地琴晚由帶廣站到酒店嘅車費係一樣嘅。 我們搭9:21am列車去釧路，再轉駁11:09am嘅SL冬の濕原號。每日只有兩班車架咋！我訂左第一卡，方便上車前狂影火車頭嘛！ 沿途風景優美，又見到有好多日本影相發燒友帶齊裝備出發。最開心就梗係見到釧路丹頂鶴啦！喺塘路駅，我地見到好多日本攝影發燒友聚集。不過我地唔落車喇，因為書仔同小冊子都話茅沼駅都會見到丹頂鶴。咁我就當然同小羊死守第五卡，準備好相機啦！最後都影到少少代表作啦！ 12.24pm到標茶喇，之後即刻要上天橋過隔離月台搭快速返釧路，向北海道三大市場之一嘅和商市場進發喇！我地懵懵下去左排隊出閘，好彩有個識講普通話嘅職員問我地去邊，先驚覺原來對面月台架車就係返釧路。哈哈！個職員即刻call車長，叫佢唔好開車住 (日本火車真係好準時架！)，又帶住我地跑樓梯 (仲幫我地抬住個喼)。諗起都覺得好好笑！ 1:19pm返到釧路喇！搵個locker放低行李，又懷住輕鬆同超興奮嘅心情向住和商市場 (嘅海鮮) 講聲 “I’m coming！”