Tag Archives: Geneva 日內瓦
現代塵世美 (二 | 下): 充滿國際風情之日內瓦
去到日內瓦，出錯口，一出係車站，有好多唔同種嘅人，好雜咁，感覺好差。我地穿返去另一邊，見到Starbucks，試左lemon green tea fappucino，喺tourist centre攞左張map就出發喇！ 先去tram station搭13號車去Nations。 去到已經見到張著名嘅Broken Chair，即係聯合國總部(阿Margaret返工嗰度)。我哋影左好多無聊相，哈哈哈！ 本來都想去Red Cross，不過因為開始天黑，我地想去埋夜遊日內瓦湖先返酒店，所以就搭返電車返Geneva。喺Starbucks一路直行十分鐘就去到湖邊喇！夜晚好靚呀。名店招牌又五光十色。啱啱又撞正有湖畔音樂會喎！既然係special occasion就去影低個摩天輪啦！行足一日喇！返到Lausanne成十一點，嘻嘻！ 我地返酒店前去coop一人買左支好得意嘅肥仔Evian，唔洗再飲sparkling water，飲到一肚氣！哈哈！
現代塵世美 (二 | 中): Chateau de Chillon
12:45pm，上車去Montreux，搭一號巴士直去Chillon，一行就兩個幾鐘。 持Swiss Pass都係免費入場。今次，我地選擇去租個i-pod for guided tour。全程只需要帶住個i-pod，去到每一個點就會聽到相關介紹，了解一下關於城堡既構造同歷史，又了解下當時既民生狀況，非常方便。我地行晒全程46個point，上埋主塔既頂層，360度欣賞城堡周圍既風景。最重要係上到去真係好涼爽好舒服！哈哈！ 一心諗住搭4:55pm嘅船去Vevey, 再去葡萄園。點知網上個時間表唔啱！班船已經開左喇！不過唔緊要啦！天陰陰喇又。我地於是去搭返一號巴士喺碼頭落車，喺湖邊一間餐廳食個late lunch。我地叫左一個pasta同一客tiramisu。杯Capuccino仲好好味。 喺呢個時候，行雷兼大雨，hea到五點幾六點，我地行返去Montreaux搭6:19pm火車去日內瓦喇！
