Tag Archives: Interlaken 茵特拉肯

Day 7 – Jul 28 Interlaken – Adelboden – Interlaken 住宿：Interlaken 今日行程都幾hea，主要係去尋找童軍monchhichi喺瑞士嘅Our Chalet。 琴日個胃唔係幾舒服，去到hostel即時沖個熱水涼同搽阿婆香水，即刻舒服晒。今朝訓醒，我朋友仔話成晚都要貼床邊訓，分明歧視我支阿婆神仙水。 換好衫就落去食早餐。今日終於見到有牛油！仲有啲麵包都好軟好好味。 十點左右，我地出發喇！落到去發現missed左班巴士，唯有用十五分鐘行去車站啦！沿途綠草如茵，好大陣草味！ 去到火車站又送車尾！十一點終於成功登車出發喇！首先搭車去Spiez，轉火車去Frutigen，再喺站外搭230號巴士去Adelboden。沿住Our Chalet路牌行一段路就ok，都幾易搵。 我地喺Frutigen等車嗰陣見到好多童軍。人地summer programme啲tee同scarf勁靚！我地仲捉左班人同我地影合照添！佢地知道我哋係HKGG嗰陣都好excited，明明Miss吹都要Miss一齊同我地合照，嘿嘿^^ 一去到我地見到有班參加左summer programme嘅人準備出發去woodcarvers。我地當然係急不及待去買souvenirs啦！最重要係Our Chalet個章，限定一人只可買一個。原來每個四大中心都有一個pin，只限所有親身去過嘅人買嚟留念^^ 買完嘢四圍行期間，撞到日本嚟嘅voluteer同嗰度負責人Sarah，chat左陣。嗰度個個staff個woggle都有自己個名，原來都係喺woodcarvers度整架！要行粒幾兩粒鐘先到！另外有一間近啲，不過無得刻名。好啦！唯有去食個quick lunch就起行啦！ Ham Bistro個burger又平又好味。重點係個男仔又shy又nice又帶點儍氣。我地再一次confirm下點行就出發。一路行都無問題，點知見到Frutigen個路牌後嘅十分鐘我地都見唔到咩bear，問左三個人都話唔sure點去。最後我地決定跟返Frutigen嘅signage行，去到一間學校對面我地見到有個男人啱啱返屋企，佢又好肯定咁話我地要行返轉頭先可以去返main road。我真係screamed啦，哈哈！跟住Mr. Generous話佢都要去Adelboden，所以可以車我地去到woodcarvers路口隻啤啤嗰度。嘻^^ 五分鐘就到lor ^_^ 大概要再行45分鐘，中途我地又遇到一班啱啱去完woodcarvers嘅童軍。個女仔話5pm前要去到。我地行到分义路再截車問路，個叔叔就話車我地去！佢同兩個小朋友都唔係好識英文，講German。車到我地去gorge嗰度我地再行廿分鐘左右就去到喇！真係超感動！ 嗰度個店主知道我地係香港嚟嘅童軍，又知我地行錯路之後，就話佢一個鐘後都要揸車去Our Chalet，可以車埋我地。不過最後我地都無搭順風車，選擇左佢教我地行嘅捷徑落山搭巴士返Frutigen。捷徑真係好得呀！快10倍！ <待續>